လွန်လေပြီးသော အခါက တိုင်းပြည်တစ်ပြည်မှာ ဘုရင်ကြီးတစ်ပါးရှိသတဲ့။ အဲဒီဘုရင်ကြီးဟာ သူ့တိုင်းပြည်ကြီးကို မင်းကျင့်တရားဆယ်ပါးနဲ့ အညီ အုပ်ချုပ်သတဲ့။ ဒီတော့ တိုင်းပြည်ဟာ အလွန်မှ သာယာဝပြောပြီး စည်ကားလှသတဲ့။ ဘုရင်ကြီးဟာလည်း နေ့စဉ်ဆိုသလို အလှူအတန်းကိုလည်း အကြီးအကျယ်ပေးပြီး သီလ သမာဓိလည်း ပြည့်စုံတော့ တိုင်းသူပြည်သားတွေဟာ ဘုရင်ကြီးကို လွန်စွာမှ ချစ်ကြသတဲ့။ ဘုရင်ကြီးကလည်း သူရဲ့ တိုင်းသူပြည်သားတွေအားလုံးကို ရင်ဝယ်သားလိုစောင့်ရှောက်သတဲ့။
တစ်ရက်မှာတော့ အမတ်ကြီးတစ်ပါးက ဘုရင်ကြီးကို လျှောက်သတဲ့။
“ အရှင်မင်းမြတ်ဘုရား အရှင်မင်းကြီးတစ်ရက်တစ်ရက်လှူတန်းပြီး သီလတွေ သမာဓိတွေ ဆောက်တည်နေတာတွေဟာ ဘာအတွက်လုပ်နေတာပါလဲဘုရား ”
ဆိုတော့ ဘုရင်ကြီးက
“ ဒီဘဝမှာ ကောင်းမှုလုပ်တဲ့ အတွက် ဒီဘဝမှာသာမက နောင်ဘဝမှာလည်း ကောင်းကျိုးတွေခံစားရတယ်လို့ ကြားဖူးတယ်လေ အမတ်ကြီးရဲ့”
ထိုအခါ အမတ်ကြီးက ဘုရင်ကြီးကို
“ ဒီဘဝမှာ ကောင်းတာလုပ်လို့ နောက်ဘဝမှာ ကောင်းတာမဖြစ်ပါဘူးဘုရား”
“ အလို.. ဘယ်လိုကြောင့်ဒီလိုလျှောက်တင်ရသတုန်း အမတ်ကြီးရဲ့ ”
“ အရှင်ဘုရား.. ကျွန်တော်မျိုးဟာ ကျွန်တော်မျိုးရဲ့ အရင်ဘဝတစ်ဘဝကို မြင်ရပါတယ် ဘုရား…”
ဆိုတော့ ဘုရင်ကြီးဟာ လွန်စွာအံ့သြသွားပြီး
“ဒါဖြင့် အမတ်ကြီးရဲ့ အရင်ဘဝကို လျှောက်တင်စမ်းပါဦး ”
“ ကျွန်တော်မျိုး အရင်ဘဝတုန်းက မုဆိုးတစ်ယောက်ဖြစ်ခဲ့ပါတယ်ဘုရား…သားသတ် ငါးသတ်နဲ့ ကောင်းမှုဆိုလို့ တစ်ခုမှ မလုပ်ခဲ့ဖူးပါဘူးဘုရား…ဒီလောက် မကောင်းမှုတွေကို အရင်ဘဝက အများကြီးလုပ်ခဲ့တာတောင်မှ ယခုဒီဘဝမှာ အရှင်မင်းကြီးအပါးမှာ ခစားရတဲ့ အမတ်ကြီးတစ်ယောက်ဖြစ်ပြီး စည်းစိမ်အပြည့်နဲ့ နေနေရပါတယ်ဘုရား…. ဒါကြောင့် ဒီဘဝမှာ ကောင်းတာလုပ်ရင် နောင်ဘဝ ကောင်းတာရမယ်ဆိုတာ မဟုတ်ပါဘူးဘုရား.. ဒီဘဝမှာ မကောင်းတာလုပ်လည်း နောင်ဘဝမှာ မကောင်းတာမဖြစ်နိုင်ပါဘူး ဘုရား…. အကယ်၍ ဒီဘဝမှာ မကောင်းတာလုပ်လို့ နောင်ဘဝ မကောင်းတာဖြစ်ရမယ်ဆိုရင် ကျွန်တော်မျိုးဟာ ဒီလိုဘဝမျိုးတောင် ရောက်နေမှာမဟုတ်ပါဘူးဘုရား…ဒီတော့ အရှင်မင်းကြီး အနေနဲ့လည်း အလှူအတန်းတွေ သီလတွေ လုပ်နေစရာတောင် မလိုပါဘူးဘုရား.. လုပ်နေလို့လည်း နောင်ဘဝမှာ ကောင်းတာခံစားဖို့ မသေချာပါဘူးဘုရား .. မလုပ်လို့လည်း မကောင်းတာ မဖြစ်နိုင်ပါဘူးဘုရား …”
ဆိုတော့ ဘုရင်ကြီးဟာ ယုံကြည်မိသွားသတဲ့။
အဲဒီအချိန်ကနေစလို့ ဘုရင်ကြီးဟာ မင်းကျင့်တရားတွေ ပျက်စီးပြီး အလှူအတန်းတွေကို ရပ်လိုက်သတဲ့။ တစ်ရက်နဲ့တစ်ရက် တိုင်းရေးပြည်ရေးတွေကိုမလုပ်တော့ပဲ အပျော်အပါးနဲ့ သာ အချိန်ကုန်နေတော့တယ်။ ဒီတော့ အချိန်ကြာလာတာနဲ့ အမျှ တိုင်းပြည်အုပ်ချုပ်တဲ့ ဘုရင်က မင်းကောင်းမင်းမြတ်လို မကျင့်လေတော့ တိုင်းပြည်ဟာ တဖြည်းဖြည်းနဲ့ ဆုတ်ယုတ်စ ပြုလာတာပေါ့။ အဲဒီအချိန်မှာ ဘုရင်ကြီးရဲ့ သမီးတော်တစ်ပါးက
ဘုရင်ကြီးကို လျှောက်တင်သတဲ့။
“ ဖခမည်းတော်ဘုရား ဘာကြောင့် အရင်တုန်းကလို အလှူအတန်းများ၊ သီလ သမာဓိများကို မလုပ်တော့ပဲ နေပါသလဲဘုရား”
လို့ မေးတော့ ဘုရင်ကြီးဟာ အမတ်ကြီး အကြောင်းကို ပြန်ပြောပြသတဲ့။ ဒီဘဝ ကောင်းတာလုပ်လည်း နောင်ဘဝကောင်းတာမရနိုင်ဘူးပေါ့လေ။ ဒီတော့ မင်းသမီးလေးက ဘုရင်ကြီးကို
“ ဖခမည်းတော့ဘုရား အဲဒီအမတ်ကြီးဟာ အရင်ဘဝ တစ်ခုကိုပဲ မြင်ရတာပါဘုရား.. သမီးတော်ဟာ အရင်ဘဝ ခုနှစ်ဘဝကို ပြန်မြင်ရပါတယ်ဘုရား”
လျှောက်တော့ ဘုရင်ကြီးဟာ အလွန့်အလွန်ကို အံ့သြသွားသတဲ့။ အဲဒီမှာ မင်းသမီးလေးဟာ
“ သမီးတော်ဟာ ဟိုးခုနှစ်ဘဝမြောက်က ယောကျာ်းလေးတစ်ယောက်ဖြစ်ပါတယ်…သမီးတော် ယောကျ်ားလေးဖြစ်ခဲ့တဲ့ အဲဒီဘဝမှာ မိန်းကလေးတစ်ယောက်ကို အလိုမတူပဲ တစ်ခါစော်ကားခဲ့မိပါတယ် .. အဲဒီတစ်ခါအမှားကြောင့် နောက် ခြောက်ဘဝမြောက်ကနေစလို့ ယခု ဘုရင့်သမီးတော် မဖြစ်ခင် အရင်ဘဝအထိဟာ တိရိစ္ဆာန်ဘဝတွေကိုပဲရခဲ့ပါတယ်…အဲဒီရတဲ့ တိရိစ္ဆာန်ဘဝမှာလည်း ဘဝတိုင်း အထီးဘဝမရပဲ အမဘဝသာ ရခဲ့ပါတယ်ဘုရား…ယခု ဟိုးခုနစ်ဘဝအလွန်က ပြုခဲ့ဖူးတဲ့ ကုသိုလ်ကောင်းမှုလေးတွေရှိလို့ လူ့ဘဝပြန်ရတော့လည်း သားတော်အနေနဲ့ မရပဲ သမီးတော်အဖြစ် အမဘဝသာ ရနေတုန်းပါပဲဘုရား.. ”
လို့လျှောက်တင်လေတော့ ဘုရင်ကြီးဟာ အမြင်မှန်ရပြီး ကံ ကံရဲ့ အကျိုးကို ယုံကြည်ကာ နောက်နေ့များမှစ၍ အလှူအတန်းများ၊ သီလ များကို ယခင်ကကဲ့သို့ပင် ပြန်လည် ပြုလုပ်လေတော့သည်။ ထိုအခါမှ တိုင်းပြည်သည် ပြန်လည်ကာ စည်ပင်ဝပြောလာလေ တော့သည်။
ထို့ကြောင့် ယခုဘဝတွင်လုပ်ခဲ့သော ကံများသည် နောင်ဘဝတွင် အကျိုးပေးသည်များ ရှိသကဲ့သို့ သုံးလေးငါးဘဝ ကျော်ပြီးမှလည်း အကျိုးပေးနိုင်လေသည်။
(ps) မိုးကုတ်ဆရာတော်ဘုရားကြီး၏ သားတပည့် ဓမ္မရံသီ မိုးကုတ်ဓမ္မရိပ်သာဆရာတော် ဦးသုနန္ဒဟောကြားသော တရားပွဲများတွင် နာခဲ့ရသော တရားတော်များထဲမှ ယခုချိန်ထိ ကျွန်တော်မှတ်မိနေသော တရားတစ်ပုဒ် ဖြစ်ပါသည်။
တစ်ရက်မှာတော့ အမတ်ကြီးတစ်ပါးက ဘုရင်ကြီးကို လျှောက်သတဲ့။
“ အရှင်မင်းမြတ်ဘုရား အရှင်မင်းကြီးတစ်ရက်တစ်ရက်လှူတန်းပြီး သီလတွေ သမာဓိတွေ ဆောက်တည်နေတာတွေဟာ ဘာအတွက်လုပ်နေတာပါလဲဘုရား ”
ဆိုတော့ ဘုရင်ကြီးက
“ ဒီဘဝမှာ ကောင်းမှုလုပ်တဲ့ အတွက် ဒီဘဝမှာသာမက နောင်ဘဝမှာလည်း ကောင်းကျိုးတွေခံစားရတယ်လို့ ကြားဖူးတယ်လေ အမတ်ကြီးရဲ့”
ထိုအခါ အမတ်ကြီးက ဘုရင်ကြီးကို
“ ဒီဘဝမှာ ကောင်းတာလုပ်လို့ နောက်ဘဝမှာ ကောင်းတာမဖြစ်ပါဘူးဘုရား”
“ အလို.. ဘယ်လိုကြောင့်ဒီလိုလျှောက်တင်ရသတုန်း အမတ်ကြီးရဲ့ ”
“ အရှင်ဘုရား.. ကျွန်တော်မျိုးဟာ ကျွန်တော်မျိုးရဲ့ အရင်ဘဝတစ်ဘဝကို မြင်ရပါတယ် ဘုရား…”
ဆိုတော့ ဘုရင်ကြီးဟာ လွန်စွာအံ့သြသွားပြီး
“ဒါဖြင့် အမတ်ကြီးရဲ့ အရင်ဘဝကို လျှောက်တင်စမ်းပါဦး ”
“ ကျွန်တော်မျိုး အရင်ဘဝတုန်းက မုဆိုးတစ်ယောက်ဖြစ်ခဲ့ပါတယ်ဘုရား…သားသတ် ငါးသတ်နဲ့ ကောင်းမှုဆိုလို့ တစ်ခုမှ မလုပ်ခဲ့ဖူးပါဘူးဘုရား…ဒီလောက် မကောင်းမှုတွေကို အရင်ဘဝက အများကြီးလုပ်ခဲ့တာတောင်မှ ယခုဒီဘဝမှာ အရှင်မင်းကြီးအပါးမှာ ခစားရတဲ့ အမတ်ကြီးတစ်ယောက်ဖြစ်ပြီး စည်းစိမ်အပြည့်နဲ့ နေနေရပါတယ်ဘုရား…. ဒါကြောင့် ဒီဘဝမှာ ကောင်းတာလုပ်ရင် နောင်ဘဝ ကောင်းတာရမယ်ဆိုတာ မဟုတ်ပါဘူးဘုရား.. ဒီဘဝမှာ မကောင်းတာလုပ်လည်း နောင်ဘဝမှာ မကောင်းတာမဖြစ်နိုင်ပါဘူး ဘုရား…. အကယ်၍ ဒီဘဝမှာ မကောင်းတာလုပ်လို့ နောင်ဘဝ မကောင်းတာဖြစ်ရမယ်ဆိုရင် ကျွန်တော်မျိုးဟာ ဒီလိုဘဝမျိုးတောင် ရောက်နေမှာမဟုတ်ပါဘူးဘုရား…ဒီတော့ အရှင်မင်းကြီး အနေနဲ့လည်း အလှူအတန်းတွေ သီလတွေ လုပ်နေစရာတောင် မလိုပါဘူးဘုရား.. လုပ်နေလို့လည်း နောင်ဘဝမှာ ကောင်းတာခံစားဖို့ မသေချာပါဘူးဘုရား .. မလုပ်လို့လည်း မကောင်းတာ မဖြစ်နိုင်ပါဘူးဘုရား …”
ဆိုတော့ ဘုရင်ကြီးဟာ ယုံကြည်မိသွားသတဲ့။
အဲဒီအချိန်ကနေစလို့ ဘုရင်ကြီးဟာ မင်းကျင့်တရားတွေ ပျက်စီးပြီး အလှူအတန်းတွေကို ရပ်လိုက်သတဲ့။ တစ်ရက်နဲ့တစ်ရက် တိုင်းရေးပြည်ရေးတွေကိုမလုပ်တော့ပဲ အပျော်အပါးနဲ့ သာ အချိန်ကုန်နေတော့တယ်။ ဒီတော့ အချိန်ကြာလာတာနဲ့ အမျှ တိုင်းပြည်အုပ်ချုပ်တဲ့ ဘုရင်က မင်းကောင်းမင်းမြတ်လို မကျင့်လေတော့ တိုင်းပြည်ဟာ တဖြည်းဖြည်းနဲ့ ဆုတ်ယုတ်စ ပြုလာတာပေါ့။ အဲဒီအချိန်မှာ ဘုရင်ကြီးရဲ့ သမီးတော်တစ်ပါးက
ဘုရင်ကြီးကို လျှောက်တင်သတဲ့။
“ ဖခမည်းတော်ဘုရား ဘာကြောင့် အရင်တုန်းကလို အလှူအတန်းများ၊ သီလ သမာဓိများကို မလုပ်တော့ပဲ နေပါသလဲဘုရား”
လို့ မေးတော့ ဘုရင်ကြီးဟာ အမတ်ကြီး အကြောင်းကို ပြန်ပြောပြသတဲ့။ ဒီဘဝ ကောင်းတာလုပ်လည်း နောင်ဘဝကောင်းတာမရနိုင်ဘူးပေါ့လေ။ ဒီတော့ မင်းသမီးလေးက ဘုရင်ကြီးကို
“ ဖခမည်းတော့ဘုရား အဲဒီအမတ်ကြီးဟာ အရင်ဘဝ တစ်ခုကိုပဲ မြင်ရတာပါဘုရား.. သမီးတော်ဟာ အရင်ဘဝ ခုနှစ်ဘဝကို ပြန်မြင်ရပါတယ်ဘုရား”
လျှောက်တော့ ဘုရင်ကြီးဟာ အလွန့်အလွန်ကို အံ့သြသွားသတဲ့။ အဲဒီမှာ မင်းသမီးလေးဟာ
“ သမီးတော်ဟာ ဟိုးခုနှစ်ဘဝမြောက်က ယောကျာ်းလေးတစ်ယောက်ဖြစ်ပါတယ်…သမီးတော် ယောကျ်ားလေးဖြစ်ခဲ့တဲ့ အဲဒီဘဝမှာ မိန်းကလေးတစ်ယောက်ကို အလိုမတူပဲ တစ်ခါစော်ကားခဲ့မိပါတယ် .. အဲဒီတစ်ခါအမှားကြောင့် နောက် ခြောက်ဘဝမြောက်ကနေစလို့ ယခု ဘုရင့်သမီးတော် မဖြစ်ခင် အရင်ဘဝအထိဟာ တိရိစ္ဆာန်ဘဝတွေကိုပဲရခဲ့ပါတယ်…အဲဒီရတဲ့ တိရိစ္ဆာန်ဘဝမှာလည်း ဘဝတိုင်း အထီးဘဝမရပဲ အမဘဝသာ ရခဲ့ပါတယ်ဘုရား…ယခု ဟိုးခုနစ်ဘဝအလွန်က ပြုခဲ့ဖူးတဲ့ ကုသိုလ်ကောင်းမှုလေးတွေရှိလို့ လူ့ဘဝပြန်ရတော့လည်း သားတော်အနေနဲ့ မရပဲ သမီးတော်အဖြစ် အမဘဝသာ ရနေတုန်းပါပဲဘုရား.. ”
လို့လျှောက်တင်လေတော့ ဘုရင်ကြီးဟာ အမြင်မှန်ရပြီး ကံ ကံရဲ့ အကျိုးကို ယုံကြည်ကာ နောက်နေ့များမှစ၍ အလှူအတန်းများ၊ သီလ များကို ယခင်ကကဲ့သို့ပင် ပြန်လည် ပြုလုပ်လေတော့သည်။ ထိုအခါမှ တိုင်းပြည်သည် ပြန်လည်ကာ စည်ပင်ဝပြောလာလေ တော့သည်။
ထို့ကြောင့် ယခုဘဝတွင်လုပ်ခဲ့သော ကံများသည် နောင်ဘဝတွင် အကျိုးပေးသည်များ ရှိသကဲ့သို့ သုံးလေးငါးဘဝ ကျော်ပြီးမှလည်း အကျိုးပေးနိုင်လေသည်။
(ps) မိုးကုတ်ဆရာတော်ဘုရားကြီး၏ သားတပည့် ဓမ္မရံသီ မိုးကုတ်ဓမ္မရိပ်သာဆရာတော် ဦးသုနန္ဒဟောကြားသော တရားပွဲများတွင် နာခဲ့ရသော တရားတော်များထဲမှ ယခုချိန်ထိ ကျွန်တော်မှတ်မိနေသော တရားတစ်ပုဒ် ဖြစ်ပါသည်။
