သူနှင့် ကောင်လေး စတင်သိကျွမ်းခဲ့တဲ့ နေ့က ဆယ်တန်းအောင်စာရင်း များ ထွက်သည့်နေ့ဖြစ်သည်။ ကောင်လေးရဲ့ သူငယ်ချင်းတစ်ယောက်က စတင်မိတ်ဆက် ပေးခဲ့ခြင်းဖြစ်သည်။ အရင်တုန်းကတော့ ကောင်လေးကလည်း သူ့ကို မြင်ဖူးခဲ့သလို… သူလည်း ကောင်လေးကို တွေ့ခဲ့ဖူးပါသည်။ ခုတော့ သူနဲ့ ကောင်လေးဟာ စားပွဲဝိုင်းတစ်ခုမှာ စတင်ဆုံတွေ့ခြင်းဖြစ်သည်.. ။ ခုလိုမျိုး တစ်ဝိုင်းထဲမှာ သူတို့ တစ်ခါမှ အတူမထိုင်ခဲ့ဖူး…။ ဒီလို ထိုင်နေချိန်အတွင်းမှာ ကောင်လေး သူ့ကိုကြည့့်တဲ့ အကြည့်တွေကို သူသတိထားမိခဲ့သည်။ ကောင်လေးရဲ့ အကြည့်တွေမှာ မဝံ့ရဲမှုတွေ၊ စိုးရိမ်ကြောက်ရွံ့မှုတွေ ရောယှက်နေတာကို ကောင်လေးရဲ့ ပျော်ရွှင်မှုအပြုံးတွေကြားမှာ သူမြင်လိုက်ရသည်။ ထိုနေ့အတွက်တော့ ကောင်လေးဟာ သူ့ကြောင့် အတိုင်းအတာ တစ်ခုထက်ကိုပို၍ ပျော်ရွှင်ခဲ့တာတော့ အသေအချာပင်။
ဒီတွေ့ဆုံမှုနောက်ပိုင်းမှာတော့ ကောင်လေးနဲ့သူ မကြာခဏဆိုသလို ဆုံတွေ့မိကြသည်။ ဒီလိုဆုံဖို့ကိုလည်း ကောင်လေးဟာ အရဲစွန့်၍ ကြိုးစားလာခဲ့သည်ကို သူသိနေသည်။ အစပိုင်းတွေမှာတော့ ကောင်လေးရဲ့ သူငယ်ချင်းတစ်ယောက် နှစ်ယောက်နဲ့ အတူလာတတ်ပေမယ့် နောက်ပိုင်း ကောင်လေးတစ်ယောက်ထဲသာ သူဆီကို ရောက်ရောက်လာပြီ ဖြစ်သည်။ တက္ကသိုလ်ကျောင်းသားတစ်ယောက် ဖြစ်လာပြီဖြစ်တဲ့ ကောင်လေးနဲ့ သူဟာ အချိန်ကြာလာသည်နှင့်အမျှ အတော် သံယောဇဉ်ဖြစ်လာလေပြီ။ ကောင်လေးကလည်း ၀မ်းသာစရာရှိသည်ဖြစ်စေ၊ ၀မ်းနည်းစရာရှိသည်ဖြစ်စေ သူဆီသို့ အရောက်လာပြီး ရင်ဖွင့်လာတတ်သည်။ ကောင်လေးဟာ ကျောင်းမှာ ချစ်သူတစ်ယောက်ရှိတဲ့ အကြောင်းကိုလည်း သူ့ကို ပြောပြသည်။ ကောင်လေးရဲ့ ချစ်သူဟာ ကောင်လေး သူနဲ့နေတာကို သဘောမကျတဲ့ အကြောင်းလည်း သူ့ကို ရင်ဖွင့်ဖူးသည်။ ချစ်သူရှိရက်နှင့် သူ့ဆီအမြဲလာနေသော ဒီကောင်လေးဟာ ဘယ်လိုကောင်လေးမျိုးပါလိမ့်..။
မကြာခင်မှာပဲ ကောင်လေးဟာ ချစ်သူနဲ့ လမ်းခွဲလိုက်ပြီဆိုတဲ့ အကြောင်းကို ကောင်လေးအပြောကြောင့် သူသိလိုက်ရသည်။ နောက် ထပ်သိလိုက်ရတာကတော့ ကောင်လေးချစ်သူနဲ့ လမ်းခွဲရခြင်း အကြောင်းရင်းဟာ သူ့ကြောင့်ဆိုတာကိုပါပဲ။ ချစ်သူနဲ့ ပြတ်ပြီးနောက်ပိုင်း ကောင်လေးဟာ သူနဲ့သာ အချိန်တွေကုန်ပြီး ချစ်သူ အသစ်လည်း ထပ်ရှာတာ မတွေ့ရတော့….။ သူနဲ့ တွေ့တိုင်း ကောင်လေးဟာ စကားတွေ အများကြီးပြောတတ်လေပြီ။ ၀ိဉာဉ်တွေအကြောင်း၊ အနုပညာအကြောင်း၊ မဖြစ်သင့်တာတွေ ဖြစ်နေပြီး ဖြစ်သင့်တာတွေ ပျောက်ပျက်နေတဲ့ အကြောင်း၊ ကြွေလွင့်သွားကြတဲ့ ကြယ်တွေအကြောင်း၊ ထိုင်ခုံတွေအကြောင်း၊ အလင်းပျောက် အမှောင်ကမ္ဘာအကြောင်း စပြီး စုံနေအောင်ပြောသည်။ တစ်ခါတစ်ရံ ကောင်လေးဟာ သူ့ကိုရီဝေစွာကြည့်တတ်ပြီး ဘယ်မိန်းကလေးမှ သူ့လောက် မချစ်မိတဲ့ အကြောင်းလည်း တဖွဖွပြောတတ်သေးသည်။
တစ်ရက် တစ်ယောက်ထဲနေသော ကောင်လေးရဲ့ တိုက်ခန်းကို ကောင်လေးလာခေါ်၍ သူရောက်ခဲ့သည်။ ထိုနေ့မှာပဲ ညနက်တဲ့အထိ ကောင်လေးရဲ့စကားတွေမှာ မျှောပါရင်း ကောင်လေးနဲ့ အတူတူ တစ်ညလုံးနေဖြစ်ခဲ့သည်။ ဒီလိုနဲ့ နောက်ပိုင်းရက်များတွင်တော့ ကောင်လေးရဲ့ တိုက်ခန်းသို့သာ ကောင်လေးက သူ့ကိုခေါ်လာတာ များသည်။ မနက် ကောင်လေးနိုးတဲ့ အချိန်မှာ သူမရှိတော့..။ ညနေစောင်းဆိုရင်တော့ ကောင်လေးက သူ့ကို ပြန်လာခေါ်သည်။ ကောင်လေးဟာ သူ့ကို တစ်ရက် တောင် မတွေ့ရမနေနိုင်အောင် စွဲလမ်းနေပြီဆိုတာ သူကောင်းကောင်းသိသည်။ ဒီလိုနဲ့ ဖြတ်သန်းလာလိုက်တာ ဆယ်စုနှစ် တစ်ခုကျော်လာလေပြီ။ ဒီနှစ်တွေ အတွင်းမှာ သူကတော့ သိပ်ပြောင်းလဲသွားခြင်းမရှိပေမယ့် ကောင်လေးကတော့ သူတို့ စတင်တွေ့ဆုံတုန်းကပုံစံနဲ့ ခုပုံစံဟာ အတော်ပင် ပြောင်းလဲသွားခဲ့သည်။
သူနဲ့ အတူနေရင်း အရေးအကြောင်းများစွာနှင့် ကြမ်းတမ်းသော အသားအရေများက ဟိုအရင် ကောင်လေးရဲ့ မျက်နှာနုနုလေးမှာ နေရာယူလာသည်။ စိမ်းစို၍ အလွန်တရာ ကြည့်ကောင်းလှသော ကောင်လေးရဲ့ ပါးသိုင်းမွေးများသည်လည်း ခု မရိတ်သင်တာ အတော်ကြာပြီဖြစ်လို့ မျက်နှာမှာ မည်းညစ်နေလေတော့သည်။ အရင်က ပြည့်ဖြိုးလှသော ကောင်လေးရဲ့ ခန္ဓာကိုယ်သည်လည်း ယခု လူတိုင်းက နေကောင်းရဲ့လား! အရမ်းပိန်သွားတယ်! စသဖြင့် ပြောလာကြသည်။ ကောင်လေးရဲ့ ပြောင်းလဲခြင်းများစွာကြားမှာ ပြောင်းလဲမသွားတာကတော့ သူနဲ့ တွေ့ဆုံမှုပင်ဖြစ်သည်။ နောက်ထပ် မပြောင်းလဲခြင်း တစ်ခုကတော့ ကောင်လေးရဲ့ သူ့ကိုချစ်သော အချစ် ဖြစ်သည်။ ယခုထိ ကောင်လေးဟာ သူ့ကို စကားတွေ အများကြီးပြောတုန်းဖြစ်သလို သူကလည်း ကောင်လေးရဲ့ အပြောတွေမှာ မျှောနေတုန်းပင်…။
ဒီလိုနှင့် တစ်ရက်မှာတော့ ကောင်လေးဟာ သူနဲ့ စကားပြောရင်း မျက်ရည်စတစ်စ ကောင်လေးရဲ့ ပါးပြင်ပေါ်မှာ လိမ့်ဆင်းသွားသည်။ ကောင်လေးရဲ့ စကားသံတွေ တိုးလျှနေသည်။ ကောင်လေးသူ့ပခုံးလေးကို ပွတ်သပ်လျှက် စကားတွေပြောနေသည်။ ကောင်လေးရဲ့ အပြောတွေမှာ သူ့ကို ဘယ်လောက်ချစ်တဲ့ အကြောင်း၊ သူနဲ့ နေခဲ့သမျှ ကာလပတ်လုံးမှာ သူပေးခဲ့တဲ့ အရာတွေမှန်သမျှကို ကျေကျေနပ်နပ်ခံယူဖို့ အသင့်ဖြစ်ကြောင်း၊ ဘယ်သူ့ကိုမှလည်း သူ့လောက် မတွယ်တာမိကြောင်း၊ ဘယ်သူမှလည်း သူ့လောက် သစ္စာမရှိခဲ့ကြောင်း ထို့ကြောင့် သူနောက်ဆုံး အချိန် ထိ သူနဲ့သာ အတူရှိနေမယ့်အကြောင်းတွေ ပါသည်။ နောက် အစိတ်စိတ်အမွှာမွှာနှင့် အလွန်ခြောက်နေပြီဖြစ်သော အသည်း အကြောင်းတွေပါသည်။ ကောင်လေးဟာ ဘယ်လိုဖြစ်နေတာပါလိမ့်။ ကောင်လေးရဲ့ ပုံစံဟာ အတော် အားနည်းနေပုံပေါက်သည်။ အသက်ရှူသံပြင်းပြင်းကိုလည်း တစ်ချက် တစ်ချက် ကြားရသည်။ တစ်ခါ တစ်ခါ သက်ပြင်းချသံလည်းပါသည်။ အားတင်း၍ လှမ်းလာသော ကောင်လေး၏ တုန်ရီနေသောလက်တစ်စုံကို သူမြင်လိုက်ရသည်။ နောက် သူ့ကို ကောင်လေးဟာ ရင်ခွင်ထဲကိုဆွဲသွင်းလိုက်ပြီး လွတ်ထွက်သွားမှာ… တစ်ယောက်ယောက်က ဆွဲထုတ်ခေါ်သွားမှာကို ကြောက်နေသည့်အလား စိုးရိမ်ကြီးစွာဖြင့် တင်းကျပ်စွာ ထွေးပိုက်ထားလျှက်ရှိသည်။ ကောင်လေးရဲ့ နှလုံးခုန်သံ တစ်ဖြည်းဖြည်းနှေးကွေးလာတာကို ကြားရသလို တင်းကျပ်စွာ ဖက်ထားသော ကောင်လေးရဲ့ လက်များမှာလည်း တဖြည်းဖြည်း လျှော့ကျ ငြိမ်သက်သွားလေပြီ။ သူလည်း ကောင်လေးရဲ့လက်ထဲမှ ကြမ်းပြင်ပေါ်သို့….
)))))))))))) ခွမ်း ((((((((((((((
ပုလင်းတစ်လုံး၏ လွင့်စင်သွားသော ဖန်ကွဲစများကြားမှာ…………..
နောက်ထပ် ကောင်လေးတစ်ယောက် သူ့ကိုကြည့်နေသည်။ ဒီကောင်လေး သူ့ကိုကြည့့်တဲ့ အကြည့်တွေကို သူသတိထားမိခဲ့သည်။ ဒီကောင်လေးရဲ့ အကြည့်တွေမှာ မဝံ့ရဲမှုတွေ၊ စိုးရိမ် ကြောက်ရွံ့မှုတွေ ရောယှက်နေတာကို သူမြင်လိုက်ရသည်။ နောက်ပိုင်းမှာတော့ ဒီကောင်လေးဟာလဲ သူ့ဆီသို့………..။
ဒီတွေ့ဆုံမှုနောက်ပိုင်းမှာတော့ ကောင်လေးနဲ့သူ မကြာခဏဆိုသလို ဆုံတွေ့မိကြသည်။ ဒီလိုဆုံဖို့ကိုလည်း ကောင်လေးဟာ အရဲစွန့်၍ ကြိုးစားလာခဲ့သည်ကို သူသိနေသည်။ အစပိုင်းတွေမှာတော့ ကောင်လေးရဲ့ သူငယ်ချင်းတစ်ယောက် နှစ်ယောက်နဲ့ အတူလာတတ်ပေမယ့် နောက်ပိုင်း ကောင်လေးတစ်ယောက်ထဲသာ သူဆီကို ရောက်ရောက်လာပြီ ဖြစ်သည်။ တက္ကသိုလ်ကျောင်းသားတစ်ယောက် ဖြစ်လာပြီဖြစ်တဲ့ ကောင်လေးနဲ့ သူဟာ အချိန်ကြာလာသည်နှင့်အမျှ အတော် သံယောဇဉ်ဖြစ်လာလေပြီ။ ကောင်လေးကလည်း ၀မ်းသာစရာရှိသည်ဖြစ်စေ၊ ၀မ်းနည်းစရာရှိသည်ဖြစ်စေ သူဆီသို့ အရောက်လာပြီး ရင်ဖွင့်လာတတ်သည်။ ကောင်လေးဟာ ကျောင်းမှာ ချစ်သူတစ်ယောက်ရှိတဲ့ အကြောင်းကိုလည်း သူ့ကို ပြောပြသည်။ ကောင်လေးရဲ့ ချစ်သူဟာ ကောင်လေး သူနဲ့နေတာကို သဘောမကျတဲ့ အကြောင်းလည်း သူ့ကို ရင်ဖွင့်ဖူးသည်။ ချစ်သူရှိရက်နှင့် သူ့ဆီအမြဲလာနေသော ဒီကောင်လေးဟာ ဘယ်လိုကောင်လေးမျိုးပါလိမ့်..။
မကြာခင်မှာပဲ ကောင်လေးဟာ ချစ်သူနဲ့ လမ်းခွဲလိုက်ပြီဆိုတဲ့ အကြောင်းကို ကောင်လေးအပြောကြောင့် သူသိလိုက်ရသည်။ နောက် ထပ်သိလိုက်ရတာကတော့ ကောင်လေးချစ်သူနဲ့ လမ်းခွဲရခြင်း အကြောင်းရင်းဟာ သူ့ကြောင့်ဆိုတာကိုပါပဲ။ ချစ်သူနဲ့ ပြတ်ပြီးနောက်ပိုင်း ကောင်လေးဟာ သူနဲ့သာ အချိန်တွေကုန်ပြီး ချစ်သူ အသစ်လည်း ထပ်ရှာတာ မတွေ့ရတော့….။ သူနဲ့ တွေ့တိုင်း ကောင်လေးဟာ စကားတွေ အများကြီးပြောတတ်လေပြီ။ ၀ိဉာဉ်တွေအကြောင်း၊ အနုပညာအကြောင်း၊ မဖြစ်သင့်တာတွေ ဖြစ်နေပြီး ဖြစ်သင့်တာတွေ ပျောက်ပျက်နေတဲ့ အကြောင်း၊ ကြွေလွင့်သွားကြတဲ့ ကြယ်တွေအကြောင်း၊ ထိုင်ခုံတွေအကြောင်း၊ အလင်းပျောက် အမှောင်ကမ္ဘာအကြောင်း စပြီး စုံနေအောင်ပြောသည်။ တစ်ခါတစ်ရံ ကောင်လေးဟာ သူ့ကိုရီဝေစွာကြည့်တတ်ပြီး ဘယ်မိန်းကလေးမှ သူ့လောက် မချစ်မိတဲ့ အကြောင်းလည်း တဖွဖွပြောတတ်သေးသည်။
တစ်ရက် တစ်ယောက်ထဲနေသော ကောင်လေးရဲ့ တိုက်ခန်းကို ကောင်လေးလာခေါ်၍ သူရောက်ခဲ့သည်။ ထိုနေ့မှာပဲ ညနက်တဲ့အထိ ကောင်လေးရဲ့စကားတွေမှာ မျှောပါရင်း ကောင်လေးနဲ့ အတူတူ တစ်ညလုံးနေဖြစ်ခဲ့သည်။ ဒီလိုနဲ့ နောက်ပိုင်းရက်များတွင်တော့ ကောင်လေးရဲ့ တိုက်ခန်းသို့သာ ကောင်လေးက သူ့ကိုခေါ်လာတာ များသည်။ မနက် ကောင်လေးနိုးတဲ့ အချိန်မှာ သူမရှိတော့..။ ညနေစောင်းဆိုရင်တော့ ကောင်လေးက သူ့ကို ပြန်လာခေါ်သည်။ ကောင်လေးဟာ သူ့ကို တစ်ရက် တောင် မတွေ့ရမနေနိုင်အောင် စွဲလမ်းနေပြီဆိုတာ သူကောင်းကောင်းသိသည်။ ဒီလိုနဲ့ ဖြတ်သန်းလာလိုက်တာ ဆယ်စုနှစ် တစ်ခုကျော်လာလေပြီ။ ဒီနှစ်တွေ အတွင်းမှာ သူကတော့ သိပ်ပြောင်းလဲသွားခြင်းမရှိပေမယ့် ကောင်လေးကတော့ သူတို့ စတင်တွေ့ဆုံတုန်းကပုံစံနဲ့ ခုပုံစံဟာ အတော်ပင် ပြောင်းလဲသွားခဲ့သည်။
သူနဲ့ အတူနေရင်း အရေးအကြောင်းများစွာနှင့် ကြမ်းတမ်းသော အသားအရေများက ဟိုအရင် ကောင်လေးရဲ့ မျက်နှာနုနုလေးမှာ နေရာယူလာသည်။ စိမ်းစို၍ အလွန်တရာ ကြည့်ကောင်းလှသော ကောင်လေးရဲ့ ပါးသိုင်းမွေးများသည်လည်း ခု မရိတ်သင်တာ အတော်ကြာပြီဖြစ်လို့ မျက်နှာမှာ မည်းညစ်နေလေတော့သည်။ အရင်က ပြည့်ဖြိုးလှသော ကောင်လေးရဲ့ ခန္ဓာကိုယ်သည်လည်း ယခု လူတိုင်းက နေကောင်းရဲ့လား! အရမ်းပိန်သွားတယ်! စသဖြင့် ပြောလာကြသည်။ ကောင်လေးရဲ့ ပြောင်းလဲခြင်းများစွာကြားမှာ ပြောင်းလဲမသွားတာကတော့ သူနဲ့ တွေ့ဆုံမှုပင်ဖြစ်သည်။ နောက်ထပ် မပြောင်းလဲခြင်း တစ်ခုကတော့ ကောင်လေးရဲ့ သူ့ကိုချစ်သော အချစ် ဖြစ်သည်။ ယခုထိ ကောင်လေးဟာ သူ့ကို စကားတွေ အများကြီးပြောတုန်းဖြစ်သလို သူကလည်း ကောင်လေးရဲ့ အပြောတွေမှာ မျှောနေတုန်းပင်…။
ဒီလိုနှင့် တစ်ရက်မှာတော့ ကောင်လေးဟာ သူနဲ့ စကားပြောရင်း မျက်ရည်စတစ်စ ကောင်လေးရဲ့ ပါးပြင်ပေါ်မှာ လိမ့်ဆင်းသွားသည်။ ကောင်လေးရဲ့ စကားသံတွေ တိုးလျှနေသည်။ ကောင်လေးသူ့ပခုံးလေးကို ပွတ်သပ်လျှက် စကားတွေပြောနေသည်။ ကောင်လေးရဲ့ အပြောတွေမှာ သူ့ကို ဘယ်လောက်ချစ်တဲ့ အကြောင်း၊ သူနဲ့ နေခဲ့သမျှ ကာလပတ်လုံးမှာ သူပေးခဲ့တဲ့ အရာတွေမှန်သမျှကို ကျေကျေနပ်နပ်ခံယူဖို့ အသင့်ဖြစ်ကြောင်း၊ ဘယ်သူ့ကိုမှလည်း သူ့လောက် မတွယ်တာမိကြောင်း၊ ဘယ်သူမှလည်း သူ့လောက် သစ္စာမရှိခဲ့ကြောင်း ထို့ကြောင့် သူနောက်ဆုံး အချိန် ထိ သူနဲ့သာ အတူရှိနေမယ့်အကြောင်းတွေ ပါသည်။ နောက် အစိတ်စိတ်အမွှာမွှာနှင့် အလွန်ခြောက်နေပြီဖြစ်သော အသည်း အကြောင်းတွေပါသည်။ ကောင်လေးဟာ ဘယ်လိုဖြစ်နေတာပါလိမ့်။ ကောင်လေးရဲ့ ပုံစံဟာ အတော် အားနည်းနေပုံပေါက်သည်။ အသက်ရှူသံပြင်းပြင်းကိုလည်း တစ်ချက် တစ်ချက် ကြားရသည်။ တစ်ခါ တစ်ခါ သက်ပြင်းချသံလည်းပါသည်။ အားတင်း၍ လှမ်းလာသော ကောင်လေး၏ တုန်ရီနေသောလက်တစ်စုံကို သူမြင်လိုက်ရသည်။ နောက် သူ့ကို ကောင်လေးဟာ ရင်ခွင်ထဲကိုဆွဲသွင်းလိုက်ပြီး လွတ်ထွက်သွားမှာ… တစ်ယောက်ယောက်က ဆွဲထုတ်ခေါ်သွားမှာကို ကြောက်နေသည့်အလား စိုးရိမ်ကြီးစွာဖြင့် တင်းကျပ်စွာ ထွေးပိုက်ထားလျှက်ရှိသည်။ ကောင်လေးရဲ့ နှလုံးခုန်သံ တစ်ဖြည်းဖြည်းနှေးကွေးလာတာကို ကြားရသလို တင်းကျပ်စွာ ဖက်ထားသော ကောင်လေးရဲ့ လက်များမှာလည်း တဖြည်းဖြည်း လျှော့ကျ ငြိမ်သက်သွားလေပြီ။ သူလည်း ကောင်လေးရဲ့လက်ထဲမှ ကြမ်းပြင်ပေါ်သို့….
)))))))))))) ခွမ်း ((((((((((((((
ပုလင်းတစ်လုံး၏ လွင့်စင်သွားသော ဖန်ကွဲစများကြားမှာ…………..
နောက်ထပ် ကောင်လေးတစ်ယောက် သူ့ကိုကြည့်နေသည်။ ဒီကောင်လေး သူ့ကိုကြည့့်တဲ့ အကြည့်တွေကို သူသတိထားမိခဲ့သည်။ ဒီကောင်လေးရဲ့ အကြည့်တွေမှာ မဝံ့ရဲမှုတွေ၊ စိုးရိမ် ကြောက်ရွံ့မှုတွေ ရောယှက်နေတာကို သူမြင်လိုက်ရသည်။ နောက်ပိုင်းမှာတော့ ဒီကောင်လေးဟာလဲ သူ့ဆီသို့………..။
အချစ်မဲ့ဂစ်တာ
August 13, 2009 at 2:11pm ··
