ငှက်

အလို...

မင်းတို့က အမြင့်ကို ပျံတယ် .......

အလို....

မင်းတို့က အဝေးကို ပြန်တယ်ပေါ့ .........

ပျံနိုင်ရင်လဲ ဟိုးအဆုံးထိ ပျံ.......

သွားနိုင်ရင်လဲ ဟိုးအဆုံးထိသွားကွာ .......

ငါ့ဘဝကို ငါမပြောတော့ဘူး..

ထားရာနေ

စေရာသွား

ပေးတာယူ

ကျွေးတာစား

အချိန်တန်တော့....

ကိုယ်ပိုက်ထဲ ကိုယ်ပြန်ဝင်

ကိုယ့်ဘဝ ကိုယ်ပြန်တိုး

နောက်ဆုံတော့

ငါဟာ.................

လှောင်အိမ်ထဲက ငှက်.......။

#အချစ်မဲ့ဂစ်တာ

ဒီဇင်ဘာ

အော် ဒီဇင်ဘာတောင် ရောက်ခဲ့ပြန်ပေါ့

ကိုယ်လွမ်းမိနေတယ်

ဒီဆောင်း တစ်ညကို

မင်းမှတ်မိပါ့မလား။

#အချစ်မဲ့ဂစ်တာ

အလင်းရောင်

မင်းဟာ
ကိုယ့်ဘဝရဲ့ အလင်းရောင်...။

ကိုယ် ဖြစ်ချင်တာတွေ
ကိုယ် ရချင်တာတွေ
ကိုယ် တွေးထားသမျှတွေကော
အားလုံး အားလုံးဟာ
မင်းနဲ့ ပတ်သက်ပြီးတော့ပေါ့ ...။

မင်းရဲ့ စိတ်ဓါတ်
မင်းရဲ့ ခံယူချက်နဲ့
မင်းရဲ့ အတ္တတွေကိုလဲ ကိုယ်သိထားပြန်တယ် ...။

မင်းဟာ လေယူရာယိမ်းတဲ့ နတ်သမီး
မိုးရွာတာကို ကြောက်တဲ့ သခင်မ
နှလုံးသားတွေကို အဆိပ်ခတ်သတ်တဲ့ စုန်းမ

တစ်ချိန်မှာ ...
မင်း မရှိလဲ ကိုယ့်ဘဝ နေတတ်အောင် နေမယ် စိတ်ကူးဖူးတယ်...။

ဟိုးတုန်းကလဲ နေတတ်အောင် နေကြည့်ခဲ့ဖူးတယ်။
ခုလဲ နေတတ်အောင် နေကြည့်နေတယ်။
နောင်လဲပဲ ...။

ဟူး... ။
မလွယ်ဘူး
မလွယ်ပါဘူးလေ ...
မင်းမရှိတာနဲ့ပဲ
ကိုယ်တကယ်ကို မနေတတ်တော့တာ...
ဘဝရဲ့ ပူလောင်ခြောက်ကပ်မှုတွေနဲ့ အိပ်မရညတွေများစွာပါပဲ...။

ဒါတွေ မင်းသိပါလေစ ...။

#အချစ်မဲ့ဂစ်တာ

30.04.2019

12:47 am

Ps: လခွမ်း ခုထိ မီးပြန်မလာသေးဘူးဟ ... 😂😂😂

Photo credit : https://flexistaffuk.com/boost-health-working-night-shift/

ပန်းအကြွေ

ပန်းတစ်ပွင့်လေ ...
သူ့ကိုယ်သူ ဝေဆာ
သူ့ကိုယ်သူ စေတနာ ...

ပန်းတစ်ပွင့်လေ ....
သူ့ကိုယ်သူ သံသရာ ...
သူ့ကိုယ်သူ ဝေဖြာ ....

ပန်းတစ်ပွင့် ...
ပန်းလေး တစ်ပွင့်ပေါ့ ...
မင့်ပွင့်ဝေမှုက
မင်းကိုပြန် အဆိပ်ခတ် ...

မင့် လန်းဆန်းမှုက
မင်းကိုပြန် ဒဏ်ခတ် ...

မင်းနှလုံးသားနဲ့ မင်းပွင့်ခဲ့
ရနံ့ကွယ်ပျောက်
ရိုးတံခြောက် ...

ပျား ပိတုန်း တွေဝဲ
ရမ္မက် နံ့တွေထဲမှာ
တစ်ချက် အငိုက်
မင့် စရိုက်နဲ့ ...

ခုတော့ ...

မင်းကိုယ်မင်း ပြန်ခြွေချရတော့မယ် ...။

အချစ်မဲ့ဂစ်တာ

အေးစက်

အေးစက်ခဲ့တယ်။
ကိုယ့်ရဲ့ ချစ်ခြင်းနဲ့
အေးစက်တဲ့ မင်းရဲ့ နှလုံးသားလေး လုံခြုံပါစေ။

အေးစက်ခဲ့ပါတယ်။
သို့ပေသိ ကိုယ်ဟာ နွေးထွေးစွာနဲ့
ချစ်နေဆဲပါပဲ။

#အချစ်မဲ့ဂစ်တာ

Photo Credit: https://www.needpix.com