ပြီးခဲ့သော ညနေခင်းတစ်ခုမှာပေါ့….။ ကျွန်တော် တစ်ယောက်ထဲ ပျင်းပျင်းရှိတာနဲ့ လမ်းထွက်လျှောက်ရင်း ဘီယာဆိုင်အသစ်တစ်ဆိုင် တွေ့လို့ ၀င်ထိုင်ဖြစ်လိုက်တယ်..။ ဘီယာတစ်ခွက်မှာပြီး တစ်ယောက်ထဲ လမ်းမကို ငေးရင်း တွေးမိတွေးရာတွေ တွေးရင်း ကိုယ်အတွေးနဲ့ကိုယ်လေ…။ ဆိုင်ထဲမှာ movie 5 မှ လွင့်နေသော တရုတ်သိုင်းကား တစ်ကားပြထားသည်။ ဒါပေမယ့် ဒီတရုတ်သိုင်းကားနှင့် မလိုက်ဖက်လှစွာ ဖွင့်ထားသော သီချင်းက big bag ရဲ့ တယ်လီပန့်။ တရုတ်သိုင်းကားမှ သိုင်းချသော စကားပြောသံများ မထွက်… big bag ရဲ့ ကင်ဆာ သီချင်းက လွင့်ပျ့ံလို့..။
ဘီယာတစ်ခွက်ကို တစ်ကျိုက် ကျိုက်လိုက်ပြီး ဆိုင်အတွင်းသို့ တစ်ချက် အကဲခတ်မိသည်။ ဆိုင်အသစ်မို့လားမသိ.. ၀ိုင်းတိုင်းလိုလိုတွင် လူပြည့်နေသည်။ ကျွန်တော်ထိုင်နေသော ၀ိုင်းရဲ့ အရှေ့တည့်တည့် တစ်ဝိုင်းကျော်တွင် ကျွန်တော့်ဘက်သို့ ကျောပေးလျှက် ထိုင်နေသော အတွဲတစ်တွဲ..။ သူတို့အနေအထားက ဆိုင်ရဲ့ ထောင့်ချောင်ကျသော နေရာဖြစ်နေသောကြောင့် တစ်ဆိုင်လုံးကို ကျောပေးထားသကဲ့သို့..။ ကောင်မလေးရဲ့ ရှည်လျား နက်မှောင်လှသော ဆံနွယ်ရှည်များသည် မီးရောင်ဖြင့် လွန်စွာ တောက်ပလျှက်ရှိသည်။ ၄င်း ဆံပင်ရှည်များကို ဘေးမှကောင်လေးက ပုခုံးကို ဖက်ထားရင်း ဆော့ကစားနေသည်။ စကားများလည်း တတွတ်တွတ်ပြောနေကြတာကို မြင်နေရသည်။
မကြာခင်မှာပဲ သူတို့ စားပွဲသို့ စားပွဲထိုးလေးက ဘီယာနှစ်ခွက် လာချသည်။ နောက် ကောင်လေးရော ကောင်မလေးပါ ဘီယာခွက်ကို ကိုယ်စီကိုင်လိုက်ကြကာ ခွက်ချင်း တိုက်လိုက်သည်။ နောက် တစ်ပြိုက်နက် အတူတူ မော့လိုက်ကြသည်။ ခွက်ပြန်အချမှာတော့ နှစ်ခွက်လုံး ခွက်အလွတ်များ ဖြစ်သွားသည်။ အလို…. ဒီကောင်မလေးဟာ အတော်သောက်နိုင်သော ကောင်မလေးပင်တကား..။ ကျွန်တော်တို့ ယောကျ်ားလေးများတောင် ဘီယာတစ်ခွက်ကို တစ်ကျိုက်ထဲမော့နိုင်ဖို့ အတော် မလွယ်… ။ ကောင်လေးက ဘာပြောလိုက်သည် မသိ ..။ ကောင်မလေးက ကောင်လေးရဲ့ လက်မောင်းကို သူ့လက်သီးနဲ့ ခပ်ဖွဖွလေး ထုလိုက်သည်ကို မြင်လိုက်ရသည်။ နောက် ကောင်လေးရဲ့ ပခုံးပေါ်သို့ ကောင်မလေးမှီအိပ်နေပြန်သည်။ တစ်ဆိုင်လုံးမှာ သူတို့ နှစ်ယောက်ထဲသာ ရှိနေသည့် အတိုင်း..။ အတော် ချစ်နေကြပုံရသည်။
ဒီလိုနှင့် ကျွန်တော်လည်း အကဲခတ်ရင်း တစ်ခွက်ပြီး တစ်ခွက်ကုန်သွားသလို သူတို့ ၀ိုင်းမှာလည်း ခွက်များ ပြည့်နေလေပြီ..။ တစ်ချိန်လုံးမှာလည်း တစ်ယောက်နှင့် တစ်ယောက် ကျီစားနေကြပုံက ပန်းခြံထဲရောက်နေသည့် အလား..။ ကျန်ဝိုင်းများကတော့ သူတို့အတွဲကို သတိထားမိကြပုံမရ..။ နောက် စားပွဲထိုးလေးကို ခေါ်ပြီး ငွေရှင်းတာကို တွေ့လိုက်ရသည်။ နောက် နှစ်ယောက်လုံး ထရပ်လိုက် ကြသည်။ အရပ်အမောင်း အတော်ကောင်းသော ကောင်မလေးပင်..။ ရှည်လျားလှသော ဆံပင်များက ခါးအောက်ပိုင်းထိပင်ရောက်နေလေပြီ..။ ၀ို်င်းပေါ်မှ ပစ္စည်းများသိမ်းကာ ကျွန်တော်ဘက်သို့ အလှည့် …။ ဟာ…….. အလွန် အံသြသွားမိသည်။ ပါးစပ်ထဲမှ စားနေသော အမြည်းပင် ပြုတ်ကျသွားသည်။ ကျွန်တော် အနောက်မှ တစ်ချိန်လုံး ကြည့်နေမိသော အတွဲမှာ သာမန်အတွဲမဟုတ်..။ ကျွန်တော် တစ်ချိန်လုံး မိန်းကလေးဟု ထင်ထားသူမှာလည်း မိန်းကလေး မဟုတ်..။ ဘယ်လိုတွေပါလိမ့်..။ ကျွန်တော် တွေးမိစဉ်မှာပဲ အရင်က ကျွန်တော် ကောင်မလေးဟု ထင်ခဲ့သော ပုဂ္ဂိုလ်လေးက ဘေးမှ ကောင်လေး လက်မောင်းကို ဆွဲကာ တစ်ဆိုင်လုံးကို ဂရုမစိုက်သကဲ့သို့ ကျွန်တော့် ဘေးမှ ဖြတ်ကာ ဆိုင်မှ ထွက်သွားလေသည်။ ကျွန်တော့် ဘေးမှ အဖြတ်တွင် “ မောင့်ကို အိမ်လိုက်ပို့ပေးမယ်နော် ” ဆိုသည့် အသံသြသြဖြင့် ညုတုတု ပြောနေသော အသံကို အော်ဂလီဆန်စွာ ကြားမိအောင် ကြားလိုက်ရသေးသည်။
နောက်တစ်ရက် ကျွန်တော် သူငယ်ချင်းတွေနဲ့ ရွှေတိဂုံ ဘုရားကို ရောက်ဖြစ်သည်။ ဘုရားရင်ပြင်မှာ လမ်းလျှောက်ရင်း သူငယ်ချင်းတွေကို စောင့်ဖို့ ဓမ္မာရုံတစ်ခုရဲ့ လှေကားမှာ ထိုင်နေမိသည်။ ကျွန်တော့်ဘေးမှာ အတွဲတစ်တွဲ လာထိုင်သည်ကို သတိထားလိုက်မိသည်။ “ ချစ်က ဘုရားမှာ ဘာတွေ ဆုတောင်းခဲ့လဲဟင်.. ” .. ကျွန်တော့ အနားတွင် ကပ်နေသော ကြောင့် နားမထောင်ပေမယ့် ကြားနေရသည်။ “ မောင်နဲ့ ဘဝဆက်တိုင်း ပေါင်းရပါလို၏ လို့ ဆုတောင်းတာပေါ့ ” ကောင်မလေးရဲ့ ဖြေသံကို ကြားလိုက်မိသည်။ အော်… ချစ်ကြတာ ချစ်ကြတာ..။ ငှက်ဖြစ်ရင်တောင် တစ်ကိုင်းထဲ၊ ငံပြာရည်ဖြစ်ရင်တောင် တစ်ပုလင်းထဲ ဆိုတာမျိုးပေါ့..။ အဲ.. နှစ်ယောက်လုံးသာ နောင်ဘဝမှာ ယောကျ်ားလေးတွေ ဖြစ်ရင်ကော …ဆုတောင်းတိုင်းသာ ပြည့်မယ်ဆိုရင်…….။
အရင်နေ့ညက ဘီယာဆိုင်မှ အတွဲကို မျက်စိထဲ တန်းခနဲ ပြေးမြင်လိုက်မိပါသည်။
ဘီယာတစ်ခွက်ကို တစ်ကျိုက် ကျိုက်လိုက်ပြီး ဆိုင်အတွင်းသို့ တစ်ချက် အကဲခတ်မိသည်။ ဆိုင်အသစ်မို့လားမသိ.. ၀ိုင်းတိုင်းလိုလိုတွင် လူပြည့်နေသည်။ ကျွန်တော်ထိုင်နေသော ၀ိုင်းရဲ့ အရှေ့တည့်တည့် တစ်ဝိုင်းကျော်တွင် ကျွန်တော့်ဘက်သို့ ကျောပေးလျှက် ထိုင်နေသော အတွဲတစ်တွဲ..။ သူတို့အနေအထားက ဆိုင်ရဲ့ ထောင့်ချောင်ကျသော နေရာဖြစ်နေသောကြောင့် တစ်ဆိုင်လုံးကို ကျောပေးထားသကဲ့သို့..။ ကောင်မလေးရဲ့ ရှည်လျား နက်မှောင်လှသော ဆံနွယ်ရှည်များသည် မီးရောင်ဖြင့် လွန်စွာ တောက်ပလျှက်ရှိသည်။ ၄င်း ဆံပင်ရှည်များကို ဘေးမှကောင်လေးက ပုခုံးကို ဖက်ထားရင်း ဆော့ကစားနေသည်။ စကားများလည်း တတွတ်တွတ်ပြောနေကြတာကို မြင်နေရသည်။
မကြာခင်မှာပဲ သူတို့ စားပွဲသို့ စားပွဲထိုးလေးက ဘီယာနှစ်ခွက် လာချသည်။ နောက် ကောင်လေးရော ကောင်မလေးပါ ဘီယာခွက်ကို ကိုယ်စီကိုင်လိုက်ကြကာ ခွက်ချင်း တိုက်လိုက်သည်။ နောက် တစ်ပြိုက်နက် အတူတူ မော့လိုက်ကြသည်။ ခွက်ပြန်အချမှာတော့ နှစ်ခွက်လုံး ခွက်အလွတ်များ ဖြစ်သွားသည်။ အလို…. ဒီကောင်မလေးဟာ အတော်သောက်နိုင်သော ကောင်မလေးပင်တကား..။ ကျွန်တော်တို့ ယောကျ်ားလေးများတောင် ဘီယာတစ်ခွက်ကို တစ်ကျိုက်ထဲမော့နိုင်ဖို့ အတော် မလွယ်… ။ ကောင်လေးက ဘာပြောလိုက်သည် မသိ ..။ ကောင်မလေးက ကောင်လေးရဲ့ လက်မောင်းကို သူ့လက်သီးနဲ့ ခပ်ဖွဖွလေး ထုလိုက်သည်ကို မြင်လိုက်ရသည်။ နောက် ကောင်လေးရဲ့ ပခုံးပေါ်သို့ ကောင်မလေးမှီအိပ်နေပြန်သည်။ တစ်ဆိုင်လုံးမှာ သူတို့ နှစ်ယောက်ထဲသာ ရှိနေသည့် အတိုင်း..။ အတော် ချစ်နေကြပုံရသည်။
ဒီလိုနှင့် ကျွန်တော်လည်း အကဲခတ်ရင်း တစ်ခွက်ပြီး တစ်ခွက်ကုန်သွားသလို သူတို့ ၀ိုင်းမှာလည်း ခွက်များ ပြည့်နေလေပြီ..။ တစ်ချိန်လုံးမှာလည်း တစ်ယောက်နှင့် တစ်ယောက် ကျီစားနေကြပုံက ပန်းခြံထဲရောက်နေသည့် အလား..။ ကျန်ဝိုင်းများကတော့ သူတို့အတွဲကို သတိထားမိကြပုံမရ..။ နောက် စားပွဲထိုးလေးကို ခေါ်ပြီး ငွေရှင်းတာကို တွေ့လိုက်ရသည်။ နောက် နှစ်ယောက်လုံး ထရပ်လိုက် ကြသည်။ အရပ်အမောင်း အတော်ကောင်းသော ကောင်မလေးပင်..။ ရှည်လျားလှသော ဆံပင်များက ခါးအောက်ပိုင်းထိပင်ရောက်နေလေပြီ..။ ၀ို်င်းပေါ်မှ ပစ္စည်းများသိမ်းကာ ကျွန်တော်ဘက်သို့ အလှည့် …။ ဟာ…….. အလွန် အံသြသွားမိသည်။ ပါးစပ်ထဲမှ စားနေသော အမြည်းပင် ပြုတ်ကျသွားသည်။ ကျွန်တော် အနောက်မှ တစ်ချိန်လုံး ကြည့်နေမိသော အတွဲမှာ သာမန်အတွဲမဟုတ်..။ ကျွန်တော် တစ်ချိန်လုံး မိန်းကလေးဟု ထင်ထားသူမှာလည်း မိန်းကလေး မဟုတ်..။ ဘယ်လိုတွေပါလိမ့်..။ ကျွန်တော် တွေးမိစဉ်မှာပဲ အရင်က ကျွန်တော် ကောင်မလေးဟု ထင်ခဲ့သော ပုဂ္ဂိုလ်လေးက ဘေးမှ ကောင်လေး လက်မောင်းကို ဆွဲကာ တစ်ဆိုင်လုံးကို ဂရုမစိုက်သကဲ့သို့ ကျွန်တော့် ဘေးမှ ဖြတ်ကာ ဆိုင်မှ ထွက်သွားလေသည်။ ကျွန်တော့် ဘေးမှ အဖြတ်တွင် “ မောင့်ကို အိမ်လိုက်ပို့ပေးမယ်နော် ” ဆိုသည့် အသံသြသြဖြင့် ညုတုတု ပြောနေသော အသံကို အော်ဂလီဆန်စွာ ကြားမိအောင် ကြားလိုက်ရသေးသည်။
နောက်တစ်ရက် ကျွန်တော် သူငယ်ချင်းတွေနဲ့ ရွှေတိဂုံ ဘုရားကို ရောက်ဖြစ်သည်။ ဘုရားရင်ပြင်မှာ လမ်းလျှောက်ရင်း သူငယ်ချင်းတွေကို စောင့်ဖို့ ဓမ္မာရုံတစ်ခုရဲ့ လှေကားမှာ ထိုင်နေမိသည်။ ကျွန်တော့်ဘေးမှာ အတွဲတစ်တွဲ လာထိုင်သည်ကို သတိထားလိုက်မိသည်။ “ ချစ်က ဘုရားမှာ ဘာတွေ ဆုတောင်းခဲ့လဲဟင်.. ” .. ကျွန်တော့ အနားတွင် ကပ်နေသော ကြောင့် နားမထောင်ပေမယ့် ကြားနေရသည်။ “ မောင်နဲ့ ဘဝဆက်တိုင်း ပေါင်းရပါလို၏ လို့ ဆုတောင်းတာပေါ့ ” ကောင်မလေးရဲ့ ဖြေသံကို ကြားလိုက်မိသည်။ အော်… ချစ်ကြတာ ချစ်ကြတာ..။ ငှက်ဖြစ်ရင်တောင် တစ်ကိုင်းထဲ၊ ငံပြာရည်ဖြစ်ရင်တောင် တစ်ပုလင်းထဲ ဆိုတာမျိုးပေါ့..။ အဲ.. နှစ်ယောက်လုံးသာ နောင်ဘဝမှာ ယောကျ်ားလေးတွေ ဖြစ်ရင်ကော …ဆုတောင်းတိုင်းသာ ပြည့်မယ်ဆိုရင်…….။
အရင်နေ့ညက ဘီယာဆိုင်မှ အတွဲကို မျက်စိထဲ တန်းခနဲ ပြေးမြင်လိုက်မိပါသည်။
အချစ်မဲ့ဂစ်တာ
Feb 18, 2010
No comments:
Post a Comment